Urðarmói 11, Selfoss
36.900.000 Kr.
Einbýlishús
5 herb.
139 m2
36.900.000
Stofur
1
Herbergi
5
Baðherbergi
1
Svefnherbergi
4
Byggingaár
0
Brunabótamat
0
Fasteignamat
6.350.000
Sjá allar myndir stórar Teikningar Senda á vin

Lýsing


Fasteignasalan TORG kynnir í einkasölu: Afar fallegt og vandað 139,5 fm einbýlishús á einni hæð við Urðarmóa á Selfossi, ásamt 29 fm bílskúr. Húsið er með þrem til fjórum svefnherbergjum, annað þeirra er með svefnlofti sem nýta má einnig sem vinnuherbergi td. Húsið er afar viðhaldslétt; með einhalla þaki, timburklæðningu að utan og PVC gluggum. Húsið er með hitalögn í öllum gólfum, er á byggingastigi 4-5 og er til afhendingar við kaupsamning. Allar nánari upplýsingar og bókun skoðunar veitir Hrönn Ingólfsdóttir, löggiltur fasteignasali í síma: 692-3344 eða hronn@fstorg.is.

Húsið er samtals 139,5 fm og skiptist þannig:
Forstofa, þrjú til fjögur svefnherbergi, þvottahús, gott baðherbergi, eldhús og stofa með útgengi út í garð. Geymsla og bílskúr.

Samantekt: Um er að ræða timbur-einingahús sem afhendist fullfrágengið að utan með grófjafnaðri lóð. Húsið verður skráð á byggingarstig 4 (fokhelt), en er mun nær því að vera tilbúið til innréttinga. Útveggir eru með endanlegri klæðningu og raflögnum (dósir/barkar). Allir milliveggir eru komnir á sinn stað og eru einfaldir og einangraðir. Allt efni til að klára að loka innveggjum og klæða loft fylgir. Allir veggir eru klæddir með Fermacell klæðningu (ekki hefðbundið gifs). Mjög góð loftöndun er í húsinu og einungis þarf vinnu pípara og rafvirkja áður en hægt er að klára innveggja- og loftaklæðningar. Platan er steypt og með gólfhitalögnum. Lóðin er 650 fermetra eignarlóð. Timbur-klæðning hússins er gegnvarin með "Iron-Vitral" viðarvörn og líða fáeinir mánuðir þar til húsið fær endanlegan og samfelldan lit (nálægt því sem sést á meðfylgjandi mynd af raðhúsi í Vík í Mýrdal) en meðfylgjandi myndir eru úr húsi í Vík sem byggt er eftir samskonar teikningu en án bílskúrs.
Mögulegt er að seljandi skili húsinu lengra komnu, eða uþb. tilbúnu til innréttinga, og er þá vinna pípara og rafvirkja innifalin í verðinu. Verðið er þá 40,9mkr.

Húsið er framleitt og reist af Seve í Eistlandi sem hefur yfir 20 ára reynslu af byggingu húsa í Skandinavíu og hefur reist fjölda húsa á Íslandi. Um er að ræða vandað hús sem uppfyllir íslenska byggingarreglugerð að öllu leyti og er með um 40% meiri einangrun í útveggjum en reglugerð á Íslandi gerir kröfu um.

Hægt er að semja við seljanda um að fá allar innréttingar í húsið frá Eistlandi: eldhús, innihurðir, fataskápa, parket, flísar, hreinlætistæki og margt fleira. Það getur verið mjög hagkvæmur kostur.

Seve hús eru aðallega afhent á tvennan hátt:
1) Tilbúið að utan og "fokhelt" að innan (byggingarstig 4). Þá er húsið algerlega tilbúið að utan og allir gluggar og útihurðir komnar í. Húsið er full-einangrað og allir innveggir komnir á sinn stað (einfaldir og einangraðir). Búið er a leggja allt rafmagn í útveggi. Efni til að klára að klæða milliveggi og loft fylgir.

2) Tilbúið að utan og "tilbúið til innréttinga" að innan (byggingarstig 5). Þá er húsið algerlega tilbúið að utan og allir gluggar og útihurðir komnar í. Húsið er full-einangrað og allir innveggir komnir á sinn stað. Búið er að leggja allt rafmagn og pípulagnir. Búið er að loka öllum innveggjum og klæða loft. Hægt er að hefjast handa við spörslun og málningarvinnu, flísalögn á bað o.sfrv.

Hér er um að ræða mjög vandað og fallegt og stílhreint hús þar sem efnisval er sérstaklega valið til þess að halda viðhaldi í lágmarki. Mjög góð staðsetning, miðsvæðis á Selfossi og í enda botnlanga. Allar nánari upplýsingar og bókun skoðunar veitir Hrönn Ingólfsdóttir, löggiltur fasteignasali í síma: 692-3344 eða hronn@fstorg.is.

Fáðu frítt söluverðmat fyrir eignina þína hér.

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.500 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.
5. Kaupandi eignarinnar greiðir skipulagsgjald þegar það verður lagt sem er 0,3% af endanlegu brunabótamati eignarinnar.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma
í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags.
Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir
og sjást ekki berum augum, t.d. lagnir, dren, skólp og þak.




Senda fyrirspurn vegna

Urðarmói 11

CAPTCHA code


Hrönn Ingólfsdóttir
Löggiltur fasteigna- og skipasali